வரம் வேண்டும் தேவதையே!

சருகுகள்
காற்றில் சுழல்வதுப்போல்
சிரிப்பினால்
நீ என்னை
சுழல்ல விட்டாய்

சிறகுகள்
தந்து பறக்கவிட்டு
பின்பு
சிறைகளில் என்னை
நீ அடைத்தாய்

சிலுவையை
கூட சுமந்திடலாம்
காதல்
தந்த ரணங்களின்
வலிகள் சுமப்பதற்க்கு

இரவுகள்
மெல்ல விடிந்திடுமே
இருக்கங்கள்
என்று உடையும்
இரக்கம் பிறப்பதற்க்கு

கவிதை
வரிகளின் ஆழத்தில்
காதல்
வலிகளின் வேதனை
நீ அறிவாய்

தேவதை
போல வந்தவளே
காதல்
வரங்களை என்று
நீ தருவாய்....................

காதலின் அடுத்தப் பக்கம்

ஒரு மகள் தான் விரும்பியவுடன் வாழ விரும்பி தன் பெற்றோருக்கு தெரியாமல் வீட்டை விட்டு சென்றுவிட்டாள். அந்த பெற்றோரை நினைத்து என்னுள் எழுந்த கிறுக்கல்கள் இவை :


நீ
படித்தாண்டினாய்
இடித்தாங்க
இதயங்களுடன்
இழிந்துப்போனார்கள்
உன் பெற்றோர்கள்.........

---------------------------------------------------------------

உன்னை
சுமந்தப் பொழுது
பாரம் தெரியாதவளுக்கு
ஊரார் உமிழ்ந்தப் பொழுது
சுமக்க முடியவில்லை
வேதனையின் பாரத்தை.........

---------------------------------------------------------------
அன்று
உன் தேவைகள்
அறிந்து சேவைகள்
செய்தார் உன் தந்தை
இன்று
கூனிக்குறுகி நின்றார்
துளிக் கூட நினைக்கவில்லை
அதை உன் சிந்தை......

கண்ணாடிப்பூக்கள்

ஒப்பனை
அலங்காரங்களுடன்
கவர்ச்சியாய் புன்னகைத்து
கடைத் தெருக்களில்
வருபவர்களை
சுண்டி இழுத்தாலும்
வாசம் தருமா
இந்த கண்ணாடிப்பூக்கள்

பிரிவு

பூக்களை பிரிந்த
பூஞ்செடிகள்
இலையுதிர்கால
மரங்கள்
ஊதாத
புல்லாங்குழல்
மீட்டாத
வீணை
முடிவு பெறாத
ஓவியம்
நிலா இல்லாத
அம்மாவாசை வானம்
நீர் இல்லா
நதி தடங்கள்
வானம் பார்த்த
விவசாய பூமி
தாய் பசுவை
தேடும் கன்றுக்குட்டி
வேலைக்கு சென்ற
தாயைத் தேடும் குழந்தை
பிறந்த குழந்தையை
தேடும் தாய்
இதை போல
நீயில்லாத போது
நானும்........

உணர்வுகள்

பிறர் உணர்வுகளை
புரிந்துக்கொள்ள வேண்டும்
மனிதர்கள்
இல்லையென்றால்
உதடுகள் உதிர்க்கும்
வார்த்தைகளால் காயம்படும்
உள்ளங்கள்!

மெழுகுவர்த்தி

எரியும் மெழுகுவர்த்தி
என் வாழ்க்கை
அதில்
உயிர்க்கும் ஒளி
உன் மேல்லான
என் காதல் !

அதை
காத்து நிற்பாயா
இல்லை
ஊதி அனைப்பாயா
என்னவளே
அது உன் கையில் !

என்றும் இளமையாய்

காதலே!
இறைவனிடம்
எப்படி வேண்டினாய் ?
உனக்கு மட்டும்
இப்படி ஒரு வரம்
நீ மட்டும்
என்றும் இளமையாய்....

வீட்டு பணிப்பெண்

ஏழையா பிறந்ததாள
கஞ்சித் தண்ணி வழித்தேடி
காது கழுத்து நகைய
கழட்டிக் கொடுத்து
கந்து வட்டி கடன் வாங்கி
எஜெண்டுக்கு மொத்தமா அழுது

வீட்டு வேலை
விசா வாங்கி
விமானம் ஏறி
வெளிநாடு வந்த பெண்ணே

மாடுகள ஓட்டிப்போகும்
மாட்டுக்காரன் போல் ஒருத்தன்
பெண்ணே ஒன்ன
கூட்டிப்போக வந்தான
இல்ல
ஓட்டிப்போக வந்தான

நகரத்து தெருவிலே
அழகான கட்டிடம்
கட்டிடம் உள்ளார
பெண் இவள
விற்க்கும் இடம்

மந்தையா ஒரு அறைக்குள்ள
அடைத்திருந்த பெண்களோட
மந்தையோடு மந்தையா
நீ மாட்டிக் கொண்ட மாயம் என்ன

வீட்டு வேலைக்கு
ஆள் தேடி வந்த மக்க
மாட்டு சந்தையில
மாடு தேடி வாங்குவதுப்போல
உன்ன வாங்க வருவாக
நீ விலை போன
சோறு உண்டு
இல்லாட்டி
ஒரு வேளைக்கு
ரொட்டித் துண்டு

தரகு பேசி
வாங்கிப் போவாக
தங்கம் உன்ன
உன் தலையெழுத்து
நல்லா இருந்தா
நல்லவங்க வீடு போவ
உன் நேரம்
நல்லா இல்லாட்டி
நரகத்துக்கு நீ போவ

பெண்ணே நீ
எந்த வீடு போனாலும்
செக்கு மாடா சுழழுனும்
நீ அடிமாடா வேலை செஞ்சாலும்
உனக்கு இருபது தினார் சம்பளம்

நீ பொத்தி பொத்தி
காத்த மானத்த
பொத்தல் போட
உன்ன சுத்தி சுத்தி
சில கழுகுக வட்டமிடும்

அந்த வட்டத்துல சிக்கிடினா
நீ சிதஞ்சி போய்டுவ
வாழ்வு தேடி வந்த பெண்ணே
நீ வாழ்க்கைய துழைச்சிடுவ

வீட்டு வேலைத் தேடி
வந்த மக்க
கதை சொன்னேன்
காது கொடுத்து கேட்க்கோ
கருத்திருந்தா
ஊருலேயே நீ பிழைக்க
வழி பார்த்துக்கோ

கவிதையே !

நான் என்றும்
வாசிக்க விரும்புவது
உன் இதழ்கள் என்னும்
இரண்டடி கவிதையைத் தான்....

எதைத் தேடி

பொழுதுகள் விடிகின்றன
இரவுகள் கடக்கின்றன
எதையும் அறியாமல் மனம்
தேடிக்கொண்டே இருக்கின்றன
வெயில் மழையோடு
வந்த வானவில்லின் வர்ணங்களை
உச்சிப்பொழுது
தார் சாலை கானல்களை
மாயையின் மயக்கத்தில்
நிஜங்கள் மறந்தப்பொழுது
நிகழ்வுகள் எல்லாம் கனவுகளாய்
நிழல்களில் நிஜம் தேடி
நிம்மதியின் விலாசங்கள்
மறக்கடிக்கப்பட்டு
அலைகிறது மனது
எதைத் தேடி ?

சுயம்

என் சுயம் எதுவோ
அதை வெளிக்காட்ட சொன்னாய்
சில நாள் மட்டும்
நடித்து ஏமாத்தாமல்
உள்ளே உள்ளவனின்
சுயரூபம் கேட்டாய்

எனக்குள்ளே
நீ பயணம் செய்தால்
என் சுயம் உனக்கு புரியும்
செயல்கள் கண்ணாடிகளாய்
என் சுய பிம்பங்களை பிரதிப்பலித்தாலும்
அது மாயயையோ என்று
உன் மனம் குழம்பத்தான் செய்யும்

உன்னை சுட்டெரிக்கும்
சூரியன் இல்லை
என் சுயம்
உன் துயரங்களை
சுட்டெரிக்க நினைக்கிறது
என் சுயம்

உன்னை உட்க்கொண்டு
வளர நினைக்கவில்லை
என் சுயம்
கொடியே நீ வளர
என்னை பற்றி பிடிக்க சொல்கிறது
என் சுயம்

உன்னை வதைத்து
இன்பம் தேடவில்லை
என் சுயம்
உன்னில் உள்ள இன்பங்களை
உனக்காய் தேடிப்பிடிக்கிறது
என் சுயம்

என்னை விட்டு
தொலைவில் இருந்தாலும்
துழையாத உன் நினைவுகளுடன்
வாழ்கிறது என் சுயம் !

நேற்றைய கனவுகள்

சென்ற இரவின்
நேற்றைய கனவுகளின் ரேகைகள்
மனமெல்லாம் தடம் பதித்திட
இந்த விடிந்த பொழுதில்
வேலையில் அமர்ந்தாலும்
ஏனோ மனம்
விடிந்ததை சபிக்கிறது

போராட்டம் என்றால்
கலவரம் பேர்யிரைச்சல்
எல்லாம் இருக்குமே
இந்த மெளன போராட்டத்தில்
கலவரங்கள் இல்லை
பேர்யிரைச்சல் இல்லை
ஆனால்
ஒரு பூவின்
புரட்சி வெடிகளில்
ஆங்காங்கே சிதறிய உள்ளத்தில்
எங்கும் இன்ப ரணங்கள் !

தெரு விளக்கு

நீ ஒருத்தி
வருவதற்க்கு
நித்தம் நித்தம்
காத்திருந்தேன்

நெருப்பத்தான்
இமையாக்கி
நெடுநேரம்
பாத்திருந்தேன்

ரோட்டோரம்
விளக்கு கம்பம்
ஒத்தையா நிப்பதுப்போல
ஒத்தையா நின்னுயிருந்தேன்
ஒத்த பார்வை பாப்பன்னுட்டு


ஒத்தயடி பாதையில
ஒய்யாரம நடந்து வந்த
நினைக்கல நானும்
ஒரத்துல நின்னவன
பாக்கமத்தான் போவனுட்டு

ஒன் ஒத்த ஜடை
பூப்போல
ஒத்த மனசுக்குள்ள
ஒரத்துல இடம் கேட்டேன்

ஒரு நாளேனும்
ஒன் மனசு மாறிடத்தான்
இரவெல்லாம் வேண்டிக்கிட்டு
சாமிக்கிட்ட வரம் கேட்டேன்

வெட்டவெளி
புள்ளு தர
போல் இருந்த
என் மனச

ஏர் எடுத்து
உளுததுப் போல
நீ வந்து
உளுதுப்புட்ட

சுட்டு வச்ச
மன் பானை
போல் இருந்த
என் மனச

சுத்தி போல
உன் பேச்சால
சுக்கு நூறா
உடச்சுப்புட்ட

கத்திப் போல
உன் வார்த்தையால
கத்தி நீ பேசிப்புட்ட

பொத்தி வச்ச காதல
கடைசியில நீ
புரிஞ்சிக்காம போய்யிப்புட்ட

நீ
பிரிஞ்சிப் போனாலும்
என்ன
மறந்துப் போனாலும்

இந்த
விளக்கு கம்பம் போல
நீ போகும் பாதைக்கு
ஒளிக் கொடுப்பேன்
ஒன் நினைவால
நான் இருப்பேன்....

பருத்திவீரன்

நல்ல திரைப்படங்கள் காண்பது என்பதே மிகவும் அறிதான இந்த காலத்தில் ஒரு திரைப்படம் மனதில் வலியை தந்துவிட்டுது. இந்த படம் எற்படுத்திய தாக்கம் என் இந்த கிருக்கல்.


விதியினை மிஞ்ச யாருமில்லை
வினை விதைத்தவன் வினையருப்பான்
இவள் என்ன பாவம் செய்தாள்
யாருடைய வினை இவளை அருத்தது ?

அவள் அசைப்பட்டதெல்லம்
விரும்பியவனுடன் மணக்கோலம்
விதி அவளுக்கு
எழுதிவிட்டது மரண ஓலம்

முத்தழகி என்ற கோலம்
காமுகர்களால் ஆனது அலங்கோலம்

கையவனை காதலித்து
மனிதனாய் மாற்றி
கைப்பிடிக்கும் நேரம் பார்த்து
கையவர்களால் கற்பு
சூரையாடப்பட்டு
தரையில் சாய்ந்த சித்திரமே !

ஒரு சண்டியனை திருத்த
உயிர் துரந்த உத்தமியே !

நீ மரண படுக்கையில்
மொழிந்த வரிகள்
எல்லா சண்டியருக்கும்
வேத வரிகள்

பெண்னை போகமாய்
பார்த்த எல்ல மனிதருக்கும்
நீ ஒரு போதி மரம் !

சாதி தீயில் எரிந்தாலும்
குறையாது முத்தழகி என்ற
தங்கத்தின் தரம் !

மனதை பாதித்த படம்
உள்ளத்தை வருத்திய படம்
பருத்திவீரன் திரைப்படம்

கண்ணகி நீதிக் கேட்டு
மதுரையை எரித்தால்
அமீரின் பருத்தியூர் முத்தழகி
உனக்கு யார் நீதிக் கொடுப்பார் ?

உறவுகள்

ஒரு குறுகிய வட்டத்தில் சிக்குண்டு
சுயநல சிறையில் மாட்டிக் கொண்டு
பறவைகள் முறித்துக் கொண்ட சிறகுகள்
மனிதனின் இன்றைய உறவுகள்

ஆதாயங்கள் மட்டுமே தேடி
அதன் அடிப்படையில்
அமையப் பெறுகிறது
இன்றைய உறவுகள்

ஆதாயம் இல்லை என்றால்
அலட்சியமாய்
தூக்கி எறியப்படும்
இன்றைய உறவுகள்

உறவுக்காரன்
உள்ளே வந்தால்
உள்ளது போய்விடும் என்று
உறவுகளை துரத்திடும்
இன்றைய உறவுகள்

கூட பிறந்திருந்தால் கூட
பணம் இருந்தால் தான்
உறவுகள் கூடும்

உதவி தேடி
உள்ளே நுழைந்தால்
உறவுகளும் தூர ஓடும்

குடிசையில் வாழ்கிறது
உறவுகள் ஒற்றுமையாய்
கோடிஸ்வரன் வீட்டிலோ
புகைப்படங்களில் ஒற்றுமையாய்

தன் உறவுக்காரன்
தன்னை விட மேலே போய்விடுவானோ
என்று தவிக்கும் உறவுகள்
அவனை கீழே தள்ளி
சிரித்துப் பார்த்திடும்
இந்த பொறாமை உறவுகள்

பணம் இருக்கும் உறவு
எலனமாய் மதிக்கும்
இல்லாத உறவை

பிணமாய் படுத்த பின்னும்
தொடர்ந்திடுமோ பணம்
என்ற உறவை

மிருகம் கூட
நேசமாய்
தன் இனத்துடன்
கூடி வாழும்

மிருகத்திலும் கீழாய்
மனித இனம்
தன் உறவுகளுக்கே
குழி பறிக்கும்

காதலர் தினம்....

ஒரு நாள்
உலகம் முழுவதும்
காதலை கொண்டாடுகிறது
என்
ஒரு இதயம்
ஒரு அயுள் முழுவதும்
உன் காதலை கொண்டாடுகிறது

ஒரு நாள்
மட்டும் கொண்டாட வேண்டிய
விசயமா காதல் ?

வாழ்நாள் முழுவதும்
கொண்டாடத்தை கொடுப்பது
அல்லவா காதல் !

ஒரு நாள்
வாழ்த்து அட்டை தந்து
பரிசுகள் கொடுத்து
வெளியே சென்று
உணவு அருந்தி
ஒரு நாள்
மட்டும் உயிர்பது அல்ல காதல்

உள்ளத்தில்
அன்பு ஊற்றேடுத்து
வற்றாமல் வாழ்நாள் முழுவதும்
சீறி பாய்யும் ஜீவநதி காதல்

கால சுழச்சியில்
கலாச்சார மாற்றத்தில்
புதிதாய் ஒரு பழக்கம்
நம்மில் இல்லாத வழக்கம்
இந்த காதலர் தினம்

மேற்கத்திய நாடுகளும்
மேலை மக்களும்
தங்கள் பொருட்களை
எங்கும் எளிதாய் விற்று தீர்த்திட
எழை எளிய மக்களின்
பணத்தை உண்டு பார்த்திட
செய்த தந்திரம்
இந்த தினம்
காதலர் தினம்....

உந்தன் காதல்

உன்னால்
உன்டான காதல்
உள்ளுக்குள்ளே
பந்தாடுதே !

ஒரு வார்த்தை
உன்னிடம் பேச
உதடுகளும்
திண்டாடுதே !

உயிர் பறிக்கும்
உறவா காதல்
உறக்கம் வர
மறுக்கிறதே !

உள்ளுக்குள்ளே
விதையும் விதைத்தாய்
காதல் மரம்
வளர்கிறதே !

கனவுகளின்
கிடங்கா காதல்
கனவில் வாழ்வும்
கழிகிறதே !

வன்முறை
போராட்டமா காதல்
தடையை மீறி
நடக்கிறதே !

காதல் வைரஸ்

விழி வழி புகுந்து
புது வலி தந்து
உயிர் வரை பரவி
உணர்வுகளை துருவி
உறக்கம் பறித்து
கிறக்கம் கொடுத்து
இதயம் வேகமாய் திடுதிடுக்க
உதடுகள் தனியாய் முனுமுனுக்க
மனம் நினைவுகளுக்கு தாழ் போட
கால்கள் அதை தேடியே ஓட
மனம் பாரமாய் சுமக்கும்
இருந்தும் அது
காகிதமாய் பறக்கும்
மனத்துக்குள்ளே ஒரு மோதல்
சுகமாய் வலித்திடும் காதல் !

பெளர்ணமி திருவிழா

நட்சத்திரங்கள் கூடி
நிலாவுக்கு நலுங்கு வைத்தனர்
சந்தனமாய் குளிர்ந்தது நிலா
மேகங்கள் பன்னீர் தெளிக்க
மின்னல்களின் வானவேடிக்கை
இடியின் அதிர்வேட்டுக்களுடன்
வானவீதியெங்கும்
நிலா ஊர்வலம்
நில்லாமல் நடந்தது !

சின்னசின்ன கிறுக்கல்கள்

உன் கருவிழிகள்
நடத்திய போராட்டத்தில்
கலவரப்பட்டது என் இதயம்......
--------------------------------------------------------------
உன் இதழ்கள்
பூத்த ஒவ்வொரு பூவிலும்
பூத்தது என் உயிர்......
--------------------------------------------------------------
நானம் உன் முகத்தில்
பரவும் நேரத்தில்
நனைந்தது என் இதயம்
காதல் மழையில்.....
--------------------------------------------------------------
நான் எதைச் சொன்னாலும்
நீ ரசித்துவிட்டு
ரொம்பத்தான் என்று சொன்னபோது
ரொம்பியது என் மனது
உன் காதலில்.......
--------------------------------------------------------------

செத்து பிழைக்கிறேன்

ஒவ்வொரு நாளும்
உன் கனவுகள்
என் விழிகளில் வந்து
முள்ளாய் குத்தி
என்னை கொன்றது போதும்
கனவுகளில் வந்து போகிற
உனக்கு என்ன தெரியும்
வலியும் வேதனையும்
சிரித்துவிட்டு நீ சென்ற பிறகுதானே
நான் செத்து பிழைக்கிறேன்........

சிறகுகள்

உன் இமைகள்
என்ன பட்டாம்பூச்சியின் சிறகுகளா
அவை சிறகடிக்கும் பொழுதெல்லாம்
நான் சிறையிடப்படுகிறேன்...

கவிதையே

உன்னை பற்றி
எழுதிய வார்த்தைகளை
கவிதைகள் என்றனர்
ஒரு கவிதை
கவிதையாகத்தான் இருக்கும்
என்பதை தெரியாமல்......

நீ யார்

நீ
எரியும் நெருப்பா
இல்லை கொட்டும் மழையா
மழையாய் உந்தன் வார்த்தைகள்
என்னை நனைத்தாலும்
நெருப்பாய் உன் நினைவுகள்
என்னை சுடுகின்றன....

நமக்காய் ஒரு உலகம்

என்னை நீ நேசிக்கவும்
உன்னை நான் நேசிக்கவும்
உன்னை நானும்
என்னை நீயும் யோசிக்கவும்
நம்மில் அன்பை
ஒருவருக்கு ஒருவர் யாசிக்கவும்

நீ சிரிக்கும் பொழுது நான் சிரிக்கவும்
நான் வருந்தும் பொழுது நீ வருந்தவும்

நீ
எனக்குள் ஒருவளாய்
நான்
உனக்குள் ஒருவனாய்
நமக்காய் ஒரு உலகம்

அதில்
அன்பு மழையில் நீயும் நானும்
அனந்தம் நிறைந்து எங்கும் கானும்

சோதனை வந்தால் சோர்ந்துவிடாமலும்
சாதனை வந்தால் பெருமிதமில்லாமலும்

கையில் கொண்டது கொண்டு
இன்புற்று வாழும் வாழ்வு
நம்மால் முடிந்ததை
மற்றவருக்கு செய்யும் ஈவு

எளிமை நிறைந்த ஒரு வாழ்வு
மழலைச் செல்வங்களுடன்
மகிழ்வாய் ஒரு வாழ்வு

மரணம் நம்மைத் தொடும் வரை
நம்மில் மற்றவர்காய் நம் வாழ்வு

பொழிவாயோ மழையே

வரண்ட பூமியாய்
என் உள்ளம் இருக்க
வரமாய் வருவாயோ
மழையே !

காய்ந்த வனமாய்
இங்கு வாழ்வும் இருக்க
உயிர்பிக்க பொழிவாயோ
மழையே !

கருமேக நினைவுகள்
என்னை கடந்துச் சென்றாலும்
கருனைத் துளிகளைச் சிந்தாயோ
மழையே !

உலர்ந்த உதடுகள்
வாய் பிளந்து வான்ப்பார்க்க
தாகம் தீர்க்காயோ
மழையே !

உன் வருகைக்காக
இருளடைந்தது என் வானம்
என்று பொழிவாயோ
மழையே !

இரங்கற்பா

சதாம்

சில நூறுப்பேர்களை கொன்றதாய்
உனக்கு தூக்கு தண்டனைத் தந்தார்கள்
ஆறு லட்சம் பேர்களை கொன்றவர்கள்

தியாகத் திருநாளில்
உன்னை தூக்கில் ஏற்றியது
எண்ணைத் திருடர்களின் சதி
இனி
ஒவ்வொரு ஆண்டும்
நீ நினைவுக் கொள்ளப்படுவாய்
இந்த தியாகத் திருநாளில்
இது இறைவன்
உனக்கு எழுதிய விதி

உன்னை தூக்கிலிட்டதை
கொக்கரிக்கிறான்
அமெரிக்க ஜனாதிபதி
உலகத்தார் தூற்றலில்
குறுகுறுத்தன
அவர்களின் அரக்க மதி

ஒரு
வீரனாய் வாழ்ந்து
ஒரு
வீரனாய் மரணத்தை முத்தமிட்டாய்

கயிற்றை இருக்கி
உன் மூச்சை நிருத்தியவர்களால்
சரித்திரத்தில்
உன் பேச்சை நிருத்த முடியாது

மண்ணுக்குள் நீ புதைந்தாலும்
சரித்திரத்தில் நீ நிலைத்துவிட்டாய் !

உன் வருகை

என்னவளே !
என் வாழ்க்கையில்
உன் வருகை
என் இரவுகளை
கவிதைகளாக மொழி பெயர்கின்றன !

உன் மீதான என் காதல் (2)

உன் மீதான என் காதல்
இதை எப்படி சொல்லுவது
ஒரு
உண்மையான அன்பிற்க்கான ஏக்கமா ?
உன் நேசம் என்னில் ஏற்படுத்தியத் தாக்கமா ?
உடலின் ஹார்மோன்கள் உண்டாக்கிய ஊக்கமா ?
இல்லை இது
வாழ்க்கைத் துனை வேண்டும் என்ற நோக்கமா ?

எழுந்த கேள்விகளுக்கு
விடைத் தேடி
எண்ணங்கள் பயணித்தன
காரணங்களை மனம் தேடத் துடங்கின

கொஞ்சம் தாய்யன்பு
கொஞ்சம் நட்பு
கொஞ்சம் சகோதரத்துவம்
கொஞ்சம் கோபம்
கொஞ்சம் பிள்ளைத்தனம்
கொஞ்சம் துள்ளல் மனம்

இதன் கலவையில்
ஒரு அன்பு மனம்
இதன் தாக்கம் தான்
என் காதல் என்று
விடையைத் தந்தது
என்னுள் உள்ள மனம் !

உன் மீதான என் காதல்

உன் மீதான என் காதல்
கண்டதும் வந்தது அல்ல
கண்ணீரில் முடியப் போவதும் அல்ல
ஒரு நிதானத்தில்
நிதானமாய் வந்தாலும்
நித்தியமாய்
நீடிக்கும்
உன் மீதான என் காதல்