ஓடுகின்ற வண்டிக்
குதிரையின் பிடரியை
உரசிச் செல்கிறது
தென்றல் ஒன்று
தென்றல் தந்த பரவசத்தில்
சற்றே சுகித்த குதிரைக்கு
விழுகிறது ஒரு சாட்டையடி
சுகத்தை மறந்து
வலியை சுமந்து
வெறி கொண்டு
ஓடத் துவங்குகிறது
குதிரை
பளு சுமக்கும் குதிரைக்கு
பயண தோழர்களாய்
கிடைக்கிறார்கள் மின்மினிகள்
மின்மினிகளின் வண்ணத்தில்
வலியை மறக்க முயலுகிறது
குதிரை
ரணங்கள் கொண்ட
குதிரையின் பயணத்தில்
தென்றலின் தேடல் மட்டும்
முடிவதில்லை.......
கருத்துகள் இல்லை:
கருத்துரையிடுக