என் தோட்டத்து செடிகளை
பார்த்து பார்த்து வளர்க்கிறேன்
ஆழமாய் வேர்பிடித்து வளர
அளவாய் நீர்விட்டு வளர்க்கிறேன்
காற்றும் வெளிச்சமும் கிடைக்க செய்கிறேன்
களைகளை களைவதும்
உரங்கள் இடுவதும்
ஆனந்த கடமையாய் நிறைவேற்றுகிறேன்
வாடாமல் வதங்காமல்
வளர்த்தெடுக்கும் செடிகள்
நாளை மரங்கள் ஆகும் என்பது
இந்த தோட்டக்காரனின் நம்பிக்கை
அந்த மரங்கள் நாளை
நிழல்களையும்
பூக்களையும்
காய்களையும்
கனிகளையும்
வருவோர்க்கு வாரி வழங்க வேண்டும்
என்பது தோட்டக்காரன்
இறைவனிடம் வைக்கும் கோரிக்கை......
கருத்துகள் இல்லை:
கருத்துரையிடுக